انا شايف نفسى

يوميات سلبى

انا اعترف انى انا مواطن مصرى سلبى علشان انا حاجات كتير جدا معرفتش اغيرها فى حياتى العملية والعلمية وبقول لنفسى واصبرها واقول حاجات كتير اتفرضت عليك ذى المجموع والتنسيق والدورس الخصوصية اللى وجهوا مسارك لحاجات معينة وبعد كدة اتشغلنا فى نفس اللى اتخرجت منة يعنى اللى خرج من التجارة يشتغل اية طبعا محاسب لالالا انا اسف فى ناس بتشتغل حاجات كتير غير مهنتها ممكن انت تسيب شغلك وصاحب الشركة يقوللك باباى انا مش عازوك انا بخفض التكاليف اصل الدينا مش ماشية يعنى بالمحسوس كده يا اللى ماعنكش دم واعمى بدل ماكنت باكسب 40 % وبكسب حاليا 25% وطبعا مش يقولك كدة رغم انك انت اللى ماسك الحسابات هيقوللك انا بخسر وبصوت عالى امام الناس كلها والاسف ده حصل معايا كتير وشوفتة بعينة اللى هياكلهم الدود بس يارب مايكونش قريب قبل ماعيش كام يوم فى مصر كويسين
يعنى تفتكر هيجى اليوم اللى نشوف فية صاحب العمل بحترم الناس اللى بتشتغل معاة ويقدر خبرتهم والا لسة برضة هنعيش فى زمن رجال الاعمال شوية كمان ياخد خبرتك ومجهودك وبعد كدة يصدرك الاتهامات بالوقائع والادلة وانت عمرك ما هاترد علية طبعا لانك خايف ترد يقولك بره والبلد مافيش فيها شغل والبلد ما تنصفش عامل وفى النهاية بسكوتك تثبت الاتهام ولو رديت يبقى انت مجادل وكتير الكلام اللمهم كدة او كدة انت اتوضع مسمار فى نعشك يا معلم وفى النهاية تاكل فى نفسك وتبقى سلبى مش كده ولا اية
طيب تفتكر احنا ذاكرنا كويس والا التعليم بوظ دماغنا وماتعلمناش ازى يبقى فية تخطيط علمى حتى دة واضح فى الثورة ياترى هو دة عيب التعليم المجانى اقصد التعتيم المجانى اللى هو مش مجانى وعلشان كدة بنخبط ومش عارفين اى خطوة مناسبة وكل يوم تسمع من الناس انى الخطوة الاولى مش مناسبة وانى الخطوة اللى انا بعرضها هى الانسب لما بقى عندنا تمانين مليون خطوة وبقينا الشعب او خطوة .
تفتكر ممكن نفضل طول عمرنا سلبين انا عندى اقتراح احنا نصدر السلبية لدول العالم المتقدم والنامى كمان وممكن نصدر كام مليون خطوة قصدى خطة وهانجيب عملة بايظة اقصد صعبة والدول كلها تبوظ ومايبقاش فية دولة احسن مننا ويبقى كلة عند العلم صابون
يا ناس يا مصريين انا مش عاوز اكون سلبى كفاية كدة مافيش حد عندة شوية ايجابية زيادة يبعلى شوية ونقدر كلنا نبنى بلدنا بدل ما نصدرها بسلبيتنا هى كمان ونكون عبيد زى زمان والى اللقاء فى اليوميات القادمة بعنوان المصريين عبيدo